زۆر كڕوزایەوەو گریا....زۆر هاوری كرد بۆ نان...ئاخر ناهەقی نەبوو ئەو وەك گەورەكان توانای بەرگەگرتنی برسێتی نییە...ئەو چەند ساڵێكی كەمی تەمەنە...خۆ داوای شتی خۆشی نەكردووە... وەك منداڵانی وڵاتە ئەوروپییەكان و بگرە وڵاتانی دراوسێشی داوای خواردنی چەورو شیرین ناكات...تەنها نان و بەس... ئەمیش زۆری دڵنەوایی كردو ویستی بیخافڵێنێت...چونكە وەزعەكە زۆر ترسناكە..بەڵام سوودی نەبوو....باوكی داماوی نەیتوانی لەوە زیاتر گوێ‌ی لە كوڕوزانەوەی جگەرگۆشەكەی بێت...دەرچوو تا پارویەك نانی بۆ پەیدا بكات و برسێتییەكەوی پێ بشكێنێت... ئەگەر چی بە ڕۆحی خۆشی بێت.....
دەرچوو بەڵام بێ ئاگا لەوەی ئێران زۆر چەتەی قەناصە بە دەستی لەسەر بانەكان داناوە...ئەوەندەی نەبرد خۆی گەیاندە جێگایەك و نانی كڕی و بە هەڵەداوان ویستی خۆی بگەیەنێتەوە منداڵە برسییەكەی...بەڵام تاكە فیشەكێكی گەرم و داخیان كردە دیاری پشتی سەری و خوێن و نان تێكةڵكراو...خەمی برسێتی منداڵیان لە ئەندێشە و خەیاڵی دەرهێنا....كۆرپەی جگەر گۆشەی زۆر چاوەڕوانی كرد...وەڕست بوو....تاقەتی لەبەر هەڵگیرا....ئەوسا خەمی نانی بوو ئێستا قسە خۆش و دڵنەواییەكانی باوكیشی لێ وون بوو!!....ئەمجا زانی چ هەڵەیەكی كرد...بۆیە پڕ بە گەروی هاوارى دەكرد:...باوە گیان بگەڕێرەوە بە خوا چی دی برسیم نییە...توخوا بگەڕێرەوە...
http://www.youtube.com/watch?v=SJqb88_MKhY
http://www.youtube.com/watch?v=SJqb88_MKhY
0 التعليقات:
إرسال تعليق