هەموو میحنەیەک..چەندان مینحەى تیایە..

میحنەت و بەڵاو ناڕەحەتى ئەم دواییەى ئەم وڵاتە کەسێک نییە داغ نەبوبێت پێى, مەگەر موستەفیدەکان..لە دەمى خەڵکەوە زۆر ئاهو حەسرەت و پەشیمانى دەبیستین..خەڵکى هەموو هەراسانن..درۆى زۆریان لەگەڵ کرا..فریودران...بەدەمامک و سیماى دیندارى یان چاکسازى هەڵخەڵەتێنران. تا لەکۆتاییدا وەک مانگى ناوچەوانى ئاسمان ڕاستییان بۆ خەڵک بەدەرکەوت..

بەڵام دڵنیابن لەناو ئەم ناڕەحەتى و میحنەتانەدا..چەندان بەخشش و مینحەى تیایە, چونکە خواى گەورە زۆر بە بەزەییەو دەیەوێت ڕێگا ڕاستەکە بگرینە بەرو چیتر بە هاشولوش و لافیتەکان هەڵنەخەڵەتێین و چیتر شوێن سەراب نەکەوینەوە..

تا لەمەودوا نەبینە سەربازى سەرابە درۆیینەکان..بەشکم بەخەبەر بێینەوە

تا نەبینەوە پەیژە بۆ سەرکەوتنى ملهوڕو دین و ڕەوشت دزو چەتەکان...

تا نەبینە بەردى بن گۆمێکى لێڵ و زمان لوسەکان بەسەرماندا خۆیان بگەیننە هەریسەو گۆشتى حەرام..

تا ئەو دڵەمان ساغ بکەینەوەو تەنها خۆشەویستى خواو پێغەمبەرەکەى(صلى الله علیه وسلم)و خواناسانى تێدا بێت..و بزانین وەلائو بەراء واتاى چى..

تا لەمەودوا بزانین کێ بوو خۆى نەدۆڕاند و نەگۆڕا...کێش بوو لە بەیانى و چێشتهەنگاوێکدا دینەکەى فرۆشت بە کەمێک لە سامانى دونیا..یان ترسێکى وەهمى...

تا وازبێنین لە وێنکەوتنى شەخص و پێوانەکردنى هەق بەواندا...بەڵکو بگەڕێینەوە بۆ قاعیدەى: هەق بناسە هەڵگرانى هەق دەدۆزیتەوە..

حەمزە بەرزنجى

2:19 ص