هەرێم دەزگایەکی سیخوری بە ٢٠٠ هەزار یۆرۆ کڕیووەڕۆژنامەی (دی ڤێڵت) ی ئەڵمانی لە ڕاپۆرتێکیدا ئاشکرایکردووە، دوو بازرگانی ئەڵمانیا سۆفتوێرێکی سیخوڕیکردنیان بە ناوی (گالیلیۆ)،
لە ڕێگەی دوو بازرگانەوە کە ناوی ڕاوێژکاریان لەخۆیان ناوە، لە ژێر ناوی نهێنى سۆفتوێری (کۆندۆر) بە ئەنجومەنی ئاسایشی هەرێمی کوردستان فرۆشتووە.
لە ڕێگەی دوو بازرگانەوە کە ناوی ڕاوێژکاریان لەخۆیان ناوە، لە ژێر ناوی نهێنى سۆفتوێری (کۆندۆر) بە ئەنجومەنی ئاسایشی هەرێمی کوردستان فرۆشتووە.
کارەکەش لەسەر داوایەکی ئەنجومەنی ئاسایشی هەرێمی کوردستانەوە لە ٢٩ ی مانگی حوزەیرانی ڕابردوودا ئاراستەی دەزگای هەواڵگریی دەوڵەتی لۆکسمبۆرگ کراوە و دواتریش دوو بازرگانی ئەڵمانیاوە کە ئەوانیش (سیمۆن تیۆس) و (کلاوس ڤایگمان) ن، لەڕێگەی کۆمپانیای (ئینتێک سۆلیوشن) ەوە کە بنکەکەى لە هەرێمى باڤاریایە لە ئەڵمانیا، پرۆگرامە سیخوڕییەکەیان بە هەرێم فرۆشتووە.
دوو بازرگانەکەش لە بنەڕەتدا پرۆگرامەکەیان لە کۆمپانیایەکى ئیتاڵى لە میلانۆ بەناوى (هاکینگ تیم) کڕیوە و هەردووکیشیان بوونەتە ئەڵقەى پەیوەندیی نێوان ئاسایشى لۆکسومبورگ و ئەنجومەنی ئاسایشى هەرێمى کوردستان و گرێبەستەکەشیان لەگەڵ کەسایەتیەک لە هەرێمی کوردستان بەناوی (خەسرەو وەسمان) ئیمزا کردووە.نرخى پرۆگرامی سیخوڕیی (کۆندۆر) کە لە دوورەوە کۆنترۆڵ دەکرێت ٢٠٠ هەزار یۆرۆیە و خەرجی ساڵەنەیشی لە ئەبدەیت کردن و کاری چاکسازیی دەگاتە ٥٠ هەزار یۆرۆ.
ڕۆژنامەی (دی ڤێڵت) ی ئەڵمانی کە ڕاپۆرتەکەی لە ١٥ ی ئەم مانگەدا بڵاوکردۆتەوە، ئاماژە بەوەدەکات، خودی کۆمپانیا ئیتاڵیەکە لە ٨ ی ئەم مانگەدا دووچاری هاککردن بووەتەوە و بەو هۆیەشەوە ٤٠٠ گێگابایتى پڕ لە بەڵگە و دۆکومێنتى تایبەت بە کارى کۆمپانیاکە ئاشکراکران و یەک ملیۆن ئیمێڵى کۆمپانیاکەش لە سایتى ویکیلیکسدا بڵاوبووەتەوە.
بەپێی بەڵگەنامە ئاشکراوەکانیش دەریدەخەن کە ئەو کۆمپانیا ئیتاڵیە بەرنامەکانی سۆفتوێری سیخوڕیکردنی فرۆشتۆتە چەندین وڵاتى وەک ئەسیوپیا وکازاخستان و بەنگلادش و سودان و میسر و ئۆزبەگستان و سعودیە و ڕوسیا، بۆ ئەو مەبەستەش بەردەوام بۆ فرۆشتنى کاڵاکەیان بازرگانیان لە دەرەوەى کۆمپانیاکەیان بەکارهێناوە.
سەرچاوە/ سایتی ئێن ئاڕ تی
سایتی بابەتەكە:
http://www.welt.de/wirtschaft/article144017893/Deutsche-versorgten-Kurden-mit-Spionagesoftware.html
0 التعليقات:
إرسال تعليق