ئەگەر كەسێكی بێباوەڕ بیەوێت ببێتە موسڵمان وبێتە ناو بازنەی ئیسلام، زۆر ئاسانە وپێویستی بە كاتێكی كەمە، بە گوتنی( أشهد أن لا إله إلا الله وأشهد أن محمدا رسول الله ) دەبێتە موسڵمان، واتە بە دەربڕینی وشەیەك بە بیروباوەڕەوە، دوایی داوای شتەكانی تری لێدەكرێت وفێردەكرێت.بەو ئاسانیی وماوە كەمە !
بەهەمان شێوەش ، بەڵكو لەوەش ئاسانتر و خێراتر وماوەیەكی كەمتر كەسێكی موسڵمان لە ئیسلام دەچێتە دەرەوە، با خۆشی مەبەستی ئەوە نەبێت لە ئیسلام بچێتە دەرەوە، ئەمەش بە هەڵگرتنی بیروباوەڕێكی كوفری، یا دروست بوونی گومانێكی كوفری لەلای، یان دەربڕینی وشەیەكی كوفری، یاخود ئەنجامدانی كردەوەیەكی كوفری، یا وازهێنان لەو شتەی كە وازهێنان لێی كوفرە، بۆ جێگیركردنی ئەم ڕاستییەش، فەرموون لەگەڵ وتەی چەند زانایەك:یەكەم: ئیمامی سەمعانی - رَحِمَهُ اللَّهُ - لە كتێبی "الإصطلاح" (1/295) دا دەفەرمووێ:" ولحوق الرجل بالكفر أسرع من لحوقه بالإسلام ".
(الحكم بما أنزل الله وتكفير المشرك ،عبد الناصر جودة، ص: 90)
واتە: گەیشتنی پیاو بە كوفر خێراترە لە گەیشتنی بە ئیسلام .
دووەم: ئیمامی (ابن أبي عز)ی حەنەفی- رَحِمَهُ اللَّهُ - لە شەرحی عەقیدەی طەحاویەدا دەفەرمووێ:" يُمْكِنُ كُلُّ مُمَيِّزٍ مِنْ صَغِيرٍ وَكَبِيرٍ، وَفَصِيحٍ وَأَعْجَمَيٍّ، وَذَكِيٍّ وَبَلِيدٍ أَنْ يَدْخُلَ فِيهِ بِأَقْصَرِ زَمَانٍ، وَإِنَّهُ يَقَعُ الْخُرُوجُ مِنْهُ بِأَسْرَعَ مِنْ ذَلِكَ، مِنْ إِنْكَارِ كَلِمَةٍ، أَوْ تَكْذِيبٍ، أَوْ مُعَارَضَةٍ، أَوْ كَذِبٍ عَلَى اللَّهِ، أَوِ ارْتِيَابٍ فِي قَوْلِ اللَّهِ تَعَالَى، أَوْ رَدٍّ لِمَا أَنْزَلَ، أَوْ شَكٍّ فِيمَا نَفَى اللَّهُ عَنْهُ الشَّكَّ، أَوْ غَيْرِ ذَلِكَ مِمَّا فِي مَعْنَاهُ.
شرح العقيدة الطحاوية، إمام ابن أبي عز الحنفي :(2/787).
واتە: هەموو كەسێكى ژیر لە بچووك وگەورە و،عەرەبێكی زمان پاراو وغەیری عەرەب و، زیرەك ونەزان دەتوانێت بەكەمترین ماوە بچێتە ناو ئیسلام ، هەروەها دەرچوون لە ئیسلام بە خێراتر لەمە ڕوودەدات ، ئەمەش بە نكووڵیكردنی وشەیەك، یا بەدرۆزانین، یان ناڕازیبوون وڕەخنەگرتنێك، یاخود درۆكردن بەناوی خواوە، یا دوودڵبوون لە وتەیەكی خوای بەرز وبڵند، یان ڕەتكردنەوەی ئەوەی دابەزیوە ، یاخود گومان بوون لەو شتەی خوا گومانی لێ نەفیكردووە ، یا جگە لەمانە لەوەی وەكو ئەوانەیە.
سێیەم: شێخ عبد العزیز ئیبن باز - رَحِمَهُ اللَّهُ - لە شەرحی ئەم چەند دێرەدا دەفەرمووێ:" يعني الدخول فيه ميسر والخروج منه أسرع وأكثر، نسأل الله العافية، فالدخول فيه بالشهادتين، شهادة أن لا إله إلا الله وأن محمدا رسول الله، عن إيمان وصدق وعلم ويقين وإخلاص ومحبة لله سبحانه وتعالى، والخروج منه يكون تارة بكلمة، تارة بالفعل، تارة باعتقاد، تارة بشك، هذه أنواع الخروج ...
فالخروج من الإسلام بأقل شيء يخالف ما جاءت به الرسل عليهم الصلاة والسلام، هذا يبين لك أن الأمر خطير، وأن الواجب على المكلف أن يتحفظ ويحذر من شر لسانه وشر فعاله وشر قلبه، ويسأل ربه الثبات على الحق، وأن لا يزيغ قلبه عن الهدى، فكم من زائغ وكم من هالك، ولا حول ولا قوة إلا بالله ".
التعليقات البازية على شرح الطحاوية (2/ 1236 – 1237).
واتە: واتە هاتنە ناو ئیسلام ئاسانە و دەرچوون لێی خێراتر و زۆرترە، داوای سەلامەتی لە خوا دەكەین، هاتنە ناو ئیسلام بە شەهادەتەین دەبێت، شایەتیدان بەوەی كە هیچ پەرستراوێك بە حەق نییە جگە لە الله و موحەممەدیش نێردراوی خوایە، ئەمەش بە ئیمان وڕاستگۆیی وزانست ودڵنیایی ودڵسۆزیی وخۆشەویستی بۆ خوا دەبێت، دەرچوونیش لە ئیسلام هێندێك جار بە وشە دەبێت، هێندێك جار بە كردەوە دەبێت، هێندێك جار بە بیروباوەڕ دەبێت، هێندێك جار بە گومان دەبێت، ئەمە جۆرەكانی دەرچوونە ...
كەواتە دەرچوون لە ئیسلام بەكەمترین شتێك دەبێت كە پێچەوانەی ئەوەبێت كەوا پێغەمبەران پێی هاتوون، ئەمەش ئەوەت بۆ ڕوون دەكاتەوە كە كارەكە ترسناكە و، پێویستە لەسەر موككەللەف كە خۆی بپارێزێ و وریا بێت لە خراپەی زمان وكردەوە ودڵی ،هەروەها داوا لە پەروەردگاری بكات لەسەر حەق دامەزراوی بكات و، دڵی لە ڕێنمایی لانەدات، چونكە چەند كەس لایاندا وگومڕابوون و چەند كەس لەناوچوون، هیچ توانا وهێزێك نییە ئیللا بە خواوە نەبێت .
لەسەرووی ئەم وتانەش ئەم فەرموودەیەی پێغەمبەرە – صلی الله علیه وسلم -، كە دەفەرمووێ:« بَادِرُوا بِالْأَعْمَالِ فِتَنًا كَقِطَعِ اللَّيْلِ الْمُظْلِمِ، يُصْبِحُ الرَّجُلُ مُؤْمِنًا وَيُمْسِي كَافِرًا، أَوْ يُمْسِي مُؤْمِنًا وَيُصْبِحُ كَافِرًا، يَبِيعُ دِينَهُ بِعَرَضٍ مِنَ الدُّنْيَا ». رواه مسلم.
واتە: پەلەبكەن لە ئەنجامدانی كردەوەی چاكە پێش ئەوەی چەند فیتنەیەك ڕووبدات كە وەكو بەشێكی تاریك وایە لە شەودا (واتە: فیتنەكان زۆر ئاڵۆزن وچاكە وخراپە تێیدا ڕوون نییە)، بەهۆی ئەم فیتنانە پیاوی واهەیە بەیانی دەكاتەوە ئیماندارە، بۆ ئێوارە كافربووە ، یاخود ئێوارە دەكاتەوە ئیماندارە بۆ بەیانی كافربووە، ئەمەش بەهۆی ئەوەی دینەكەی بە شتێك لە دونیا دەفرۆشێت ودەگۆرێتەوە .
(رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا).(اللَّهُمَّ يَا مُقَلِّبَ الْقُلُوبِ ثَبِّتْ قُلُوبَنَا عَلَى دِينِكَ).
0 التعليقات:
إرسال تعليق