ئایا ئەگەر کەسێک لە پێناو بەرگرى کردن لە نیشتمان بکوژرێت شەهیدە؟

شێخ محمد صالح العثیمین(ڕەحمەتى خواى لێ بێت) لە ڕاڤەى ئەم ڕستەیەدا(وَلاَ يُغَسَّلُ شَهِيدٌ وَمَقْتُولٌ ظُلْماً .........)دەفەرموێت:

(وقوله: «شهيد» المراد به هنا: شهيد المعركة الذي قاتل لتكون كلمة الله هي العليا.

أما من قاتل لوطنية أو قومية أو عصبية فليس بشهيد ولو قتل، لكن من قاتل حماية لوطنه الإسلامي من أجل أنه وطنٌ إسلاميٌ فقد قاتل لحماية الدين، فيكون من هذا الوجه في سبيل الله، ولهذا يجب أن نبيّن لإخواننا في الجيش أنهم إنما يتأهبون للقتال لا دفاعاً عن وطنهم من أجل أنه وطنهم، ولكن من أجل أنه وطن إسلامي يقاتلون لحماية الإسلام حتى يكونوا عند الموت شهداء؛ لأن النبي صلّى الله عليه وسلّم: «سُئل عن الرجل يقاتل شجاعة، ويقاتل حمية، ويقاتل ليُرى مكانه، أي ذلك في سبيل الله؟ قال: «من قاتل لتكون كلمة الله هي العليا فهو في سبيل الله». أخرجه البخاري (123)؛ ومسلم (1904) عن أبي موسى رضي الله عنه.
فالذي قاتل حمية نقول له: لماذا تقاتل حمية؟ هل هو حدب على قومك، أو رغبة في بقاء الإسلام في بلادك؟ إن قال بالأول فليس بشهيد، وإن قال بالثاني فهو شهيد، كما لو قال: أقاتل حدباً على قومي، ليبقى الإسلام في بلادي).الشرح الممتع على زاد المستقنع (5/ 287-288)

واتە: وە ووشەى شەهید لێرەدا مەبەست پێى: شەهیدى جەنگ و کوشتارە, ئەو کەسەى کوشتارى کردووە لە پێناوى ئەوەى ووشەى خواى گەورە بەرز و بڵند بێت.

بەڵام ئەو کەسەى کە لە پێناوى نیشتمان پەروەرى یان گەلچێتى یان دەمارگیرێتىدا کوشتار و شەڕ دەکات ئەگەر بکوژرێت شەهید نىیە, بەڵام کەسێک لە پێناو پاراستنى نیشتمانە ئیسلامییەکەىدا بکوژرێت لە پێناو ئەوەى نیشتمانەکەى نیشتمانێکى ئیسلامیییەو(ئیسلام پیادە دەکرێت تیایدا) ئەوە کوشتارى کردووە لە پێناو پارێزگارى کردن لە دیندا, لەو ڕوانگەیەوە لە پێناو خواى گەورەدایە, لەبەر ئەوە پێویستە بۆ برایانمان ڕوون بکەینەوە ئەوانەى لە ناو سوپادان کەوا ئەوان خۆیان ئامادە دەکەن بۆ شەڕکردن لە پێناو ئەوەدا نا کە بەرگرى لە نیشتمانەکەیان دەکەن لەبەر ئەوەى نیشتمانیانە, بەڵکو لەبەر ئەوەی کە نیشتمانەکەیان نیشتمانێکى ئیسلامییەو ئەمانیش شەڕ دەکەن لە پێناو پاراستنى ئیسلام دا بۆ ئەوەى لە کاتى کوژرانیاندا بە شەهید حساب بکرێن, چونکە پێغەمبەرى خوا(صلى الله علیه وسلم) پرسیارى لێ کرا دەربارەى پیاوێک لەبەر ئەوەى پێى بڵێن ئازا شەڕ دەکات و لەبەر دەمارگیرى شەڕ دەکات و لەبەر ئەوەى بیبینن و باسى بکەن شەڕ دەکات, ئاخۆ کام لەمانە لە پێناو خوادایە؟ ئەویش فەرموى: هەرکەسێک کوشتار بکات لە پێناو ئەوەى ووشەى خواى گەورە بەرز و بڵند بێت ئەوە لە پێناو خوادایە.

 جا ئەو کەسەى بە دەمارگیرىیەوە شەڕ دەکات پێى دەڵێین: بۆچى بە دەمارگیرى شەڕ دەکەیت؟ ئایا هەست و سۆزت بۆ گەلەکەت جوڵاوە, یان بە ئومێد و ئاواتى ئەوەى ئیسلام لە شارەکەتدا بمێنێتەوەو بەرقەرار بێت؟

خۆ ئەگەر یەکەم وەڵامى دایتەوە, ئەوە شەهید نىیە!, وە ئەگەر وەڵامى دووەمى دایەوە ئەوە شەهیدە, هەروەها ئەگەر بڵێت: لە پێناو سۆز جوڵانمدا بۆ گەلەکەم هەتا ئیسلام بە بەرقەرارى بمێنێتەوە لە شارەکەمدا هەمان شتە.

وەرگێڕانى/ مەبەست شارباژێڕى

11:42 ص