لـەزیــنـــــدانێکی تاریک و تەنگا"دەست بەکەلەپچە,لەژێر تفەنگا
پێم کۆت و زنـجیر ,لەزەبرو زەنگا
لەژێر پۆستاڵی ڕەشی دەبەنگا.
پــــڕ بەدەم ئەڵێم:نەفرەت لەزاڵم
ئـەبێ ڕۆژێ بێ, گشتیان ڕاماڵم.
***
لەناو تەعزیب و ئـێش و ئـــازارا
لەژێر کێڤڵ و کــــارەبـاو ئــــارا"
لە تاو ناڵین و گــریەو ھــــاوارا
لەبن بەزەی پـــەتی سێــدارا.
پـــڕ بەدەم ئەڵێم:نەفرەت لەزاڵم
ئـەبێ ڕۆژێ بێ, گشتیان ڕاماڵم.***
لـەبــۆن و قــــرچەی ھەڵپڕوزانا "
لەناو عەزابی ســـەختی زیندانا
لەتاو ئەشکەنجەو زەلیلی و ژانا
تەنانەت لە دوا ھەنـاسەی مانا"
پـــڕ بەدەم ئەڵێم:نەفرەت لەزاڵم
ئـەبێ ڕۆژێ بێ, گشتیان ڕاماڵم.
***
لەتاو پەستان و زەخـتی دەرونا
لەکونە مـــــەرگی , منی زەبونا
لەخـەمـــی تەمەن بەفیڕۆ چونا
ھەتا دواچرکەش ,کەوام لەبوونا
پـــڕ بەدەم ئەڵێم:نەفرەت لەزاڵم
ئـەبێ ڕۆژێ بێ, گشتیان ڕاماڵم.
-یاخی-
١.٨.٢٠١٤(سلێمانی)
ليست هناك تعليقات:
إرسال تعليق