حاڵی شێخ خالد الراشد(خوای گەورە ئازادی بكات) لە زیندانی سعودیەدا

شێخ خالد الراشد لە دایك بووی 1970 و بۆ ماوەی 11 ساڵ قوتابی شێخ بن بازبووە, وە 3 ساڵ قوتابی شيَخ ابن جبرین بووە , لای الشیخ عبدالرحمن البراك و الشیخ عبدالله السعد خوێندویەتی, لە ساڵی 2005  ماوەی 15 ساڵ زیندانی بەسەردا سەپێنرا لەسەر بەرگری كردن لە پێغەمبەری خوا( صلی الله علیه وسلم), سەرەتا 5 ساڵ سزا درا دوای ڕەخنە گرتنی شێخ لەو بڕیارە.. قازی بۆی كرد بە 15 ساڵ!!


دەربارەی تازەترین هەواڵی ناو زیندانی عبدالله ی كوڕی بابەتێك دەنوسێت كە ئەمەی خوارەوە وەرگێردراوی ئەو بابەتەیە:....

ساڵی1427 شێخ خالد الراشد ووتارێكی پێشكەش كرد بە ناوی (ئەی ئوممەتی محمد) بە مەبەستی سەرخستنی پێغەمبەری خوا(صلی الله علیە وسلم) ئەویش لەو كاتەدا بوو كە چەند وێنەكێشێكی دانیماركی خاچ پەرست بە قێزەونترین دیمەن وێنەی پێغەمبەری خوایان(صلی الله علیە وسلم) كێشابوو, لە كۆتایی ووتارەكەیدا ووتی: (هەركەسێك بڕوای بە خواو بە ڕۆژی دوایی هەیە با ئەمشەوی بەسەردا تێ‌ نەپەڕێت ئیلا خۆی بگەیەنێتە ئیمارەتی ریاز), هەزاران پیاو بەرەو ئەوێ‌ ڕۆیشتن, كاتێ‌ گەیشتە ریاز قسەی لەگەڵ موفتیدا كرد بەڵام بە داخەوە ئەو هیچ گرنگی و ڕەزامەندی نەبوو, لە لایەكی ترەوە بەرپرسی وەزارەتی ناوخۆ نایف بن عبدالعزیز وتی: والله نابێت لە ریاز دەرچێتە دەرەوە وەك چووە ناوی, بۆیە لەسەر ڕێگای گەڕانەوەی شێخ لە ڕیازەوە بۆ دەممام چوار نوقتەی پشكنینی داناو لەسەر هەر نوقتەیەكیش لیوایەكی دانا, بەڵام ویستی خوای گەورە وابوو نەیانبینی و بە هەموو نوقتەكاندا بە سەلامەتی گەیشتەوە ماڵەوە, ئیتر فەرمانی گرتنی دەرچوو.

 تا ماوەی نزیكی مانگێكی پێ‌ چوو خێزانی گواستەوەو ڕوی كردە شاری مەككە تا لەگەڵ خێزانی تازەی لەوێ‌ بژی, لەمەككە دەستگیر كرا لەگەڵ هاوسەریدا, خێزانەكەیان برد بەرەو یەكێك لە ئوتێلەكان و حیجزیان كرد لە كاتێكدا زۆر ئەترسا, بەڵام سەیر لەوەدایە ئەو ئافرەتانەی دەستگیریان كرد و بردیان لە بەردەمیدا جگەرەیان دەكێشاو نەیاندەهێشت لە ژوورەكەی دەربچێتە دەرەوە, ئەم ڕووداوەش دوای تەنها لە دوو ڕۆژ لە شوكردنی بوو, شێخ خالد الراشدیشیان برد بەرەو مەككەو بە فڕۆكەیەكی تایبەت گواستیانەوە بۆ جدە, زۆر بە خراپ و ناشیاوی مامەڵەیان لەگەڵدا دەكرد, لە جوێن و سوكایەتی پێ‌ كردن, دواتر بردیان بۆ ریازو خستیانە زیندانی (الحایر), یەكەم ڕۆژی زۆر بە سەختی لێ‌ ڕۆیشت بە جۆرێك ماوەی 24 كاتژمێر لە ژێر لێكۆڵینەوەدا بوو, لە هەر كاتێكی نوێژەكانیدا داوای دەكرد ڕێگای بدەن نوێژ بكات نەیاندەهێشت نوێژەكانی بكات بە بیانوی ئەوەی ئەمە فەرمانی بەرپرسانی سەرەوەیانە.

سزایان دەدا بە ڕێگرتن لە خەوتن و بە پێوە ڕاگرتنی بۆ ماوەی 24 كاتژمێر, كاتێ‌ وازیان لێ‌ هێنا بە خێرایی هەموو نوێژەكانی ئەنجام دەدا نەكو هێزی تەواری ئازای بدەن و لێی بدەن, ڕێگەی نوستن و دانیشتن  نوێژیشیان..!!! لێ‌ گرتبوو, لێكۆڵەرەوەیەك 3 بۆ 4 كاتژمێر لێكۆڵینەوەی لەگەڵ دەكرد و دەڕۆیشت و یەكێكی تر دەهات, شێخ خالد زۆر ماندوو شەكەت دەبوو بە هۆی وەستان و نەخەوییەوە, بە جۆرێك دەیان جار دەبورایەوە, بەڵام لێكۆڵەرەوەكەی زۆر بێ‌ بەزەیییانە هەڵی دەستانەوەو بە پێوە دەیوەستاندەوە, دوای ڕۆژی یەكەمی لە زیندانە ئینفیرادییەكەیدا 13 كاتژمێر بە پێوە دەیانوەستاند, ئەم سزادانەی هەشت مانگی خایاند, پاشان لەوێ‌ گواستیانەوە, دوای كرد بیگوازنەوە بۆ دەممام, بەڵام خۆزگە داوای نەكردایە, گواستیانەوە ئیتر بە قورسترین ئەشكەندە سزا دەدرا..لە سەرتادا خرایە زیندانێكی ئینفیرادی و لە كاتی لێكۆڵینەوەدا دەستەكانیان دەبەستەوەو هەڵیان دەواسی بە جۆرێكم قاچەكانی نەیدەدا لە زەوی, سەربازەكان بە سەرپەرشتی ئەفسەرەكەیان لێیان دەدا بە قامچی و ئاسن و دار و دواتر بە شەكەتی بە عەرەبانەیەك دەیانگەڕندەوە بۆ زیندانەكەی, ئەمەش هەموو ڕۆژێك.

شێخ خالد بۆ ماوەیكی دوورو درێژ مانی لە خواردن گرت, بە ئامۆژگارییەوە لە لایەن زانایانی ترەوە دەهاتن بۆ لای و دەیانپرسی بۆچی مانت گرتووە؟ ئەوەیش باسی ئەو ئەشكەنجەو لێدانەی دەكرد كە لەسەرییەتی, كەسەكەش زۆر بێتاقەت دەبوو دەیوت چیم پێ‌ بكرێت دەیكەم, شێخیش گومانی باشی دەبرد كەسەكە پێی ووت: مانگرتنەكەت بشكێنە ئیتر نایەن بۆ ئەشكەنجەدانت, ئەویش باوەڕی پێ‌ كردو مانگرتنەكەی شكاند.

جارێك لە جاران شێخ لە ژووری لێكۆڵینەوەدا بوو دەستو قاچ و چاو بەسترابوو, زیاد لە شەش كاتژمێر بە پێوە بوو..كاتێ‌ بە سەرسوڕمانەوە لێیان دەپرسی: یا شێخ لەو ماوە دوورو درێژەدا چیت دەكرد؟ لەو ماوەیەدا موراجەعەی شەش جوزئی قورئانی پیرۆزم كردەوە!!! دوای ئەو وەستان و چاوەڕوان كردنەی هیچیان لێی دەست نەكەوت, وە كاتێ‌ زیندانییەكی نوێیان دەهێنا كە تۆمەتەكەی زۆر دوور بوو لەوەی شێخەوە, لێیان دەپرسی: شێخ خالد الراشد دەناسیت؟ مەبەستیان بوو بیانویەكی بۆ بدۆزنەوە ببێتە بەڵگە لەسەر تاوانبار كردنی شێخ بەڵام سوپاس بۆ خوای گەورە هیچیان دەست نەكەوت, بەمەش وازیان نەهێنا بەڵكو هەندێك سەربازی خۆیانیان بە جلوبەرگی مەدەنییەوە دەكردە زیندانەوە بۆ لای گوایە زیندانی نوێ‌یە تا دواتر تۆمەتی ناڕەوا بۆ شێخ دروست بكات.   

سبحان الله سوێند بە خوای گەورە شێخ چێژی لە ئەشكەنجە دەبینی, كاتێ‌ ئەشكەندەیان دەدا قورئانی دەخوێند, یەكێك لە سەربازەكان دەڵێت: دەمبینی هەندێك جار پێ‌ دەكەنی, كاتێ‌ لێم دەپرسی, زەردەخەنەی دەكرد و دەیفەرموو: بە تەمای پاداشتم لای خوای پەروەردگارم, بە ئومێدی پاداشتی گەورەم.

دوای سێ‌ ساڵ لە سزاو ئەشكەنجە بە تۆمەتی (غسیل الاموال) تۆمەتبار كرا, ئەو سامانەش كە شێخ لە سەری تۆمەتبار كرا ئەو بەخشین و خێرانە بوو شێخ كۆی كردبویەوە بۆ موسڵمانانی نێجەر, ئەویش بە ئەوراقی ڕەسمی وەزارەتی ناوخۆ, بەڵام درۆیان لەگەڵ كرد, وە تۆمەتی یارمەتی دانی تیرۆریان دایە پاڵی,

شێخ هەموو شەوێك شەونوێژی دەكردو لە پارشێواندا داوای لێخۆشبوونی دەكرد, بەڵگەكەش بە ناوچەوانییەوەیەتی, شێخ زۆر كتێبی دەخوێندەوە زۆر دەم بە پێكەنین و ڕوو خۆش بوو.

ئەمە بێگومان بەشێكی كەمی چیرۆك و بەسەرهاتی باوكمە لە زینداندا..جا ئێوەش داوای چەسپاوی لە خوای گەروە بۆ بكەن و لەبیری مەكەن سەری بخەن و داوای بەردان و ئازاد بوونی بۆ بكەن.

وە زۆر شتی تر هەیە كە نەمنوسیوەو بڵاوی ناكەمەوە چونكە وەزعەكە گونجاو نییە, بەڵام بە ئیزنی خوای گەورە بەم زووانە بڵاوی ئەكەمەوە.

لە خوای گەورە داواكارم سەرجەم زیندانیان ئازاد بكات, برایانی خۆم زیندانییەكان لە بیر مەكەن, چونكە زۆریان لەو حاڵە دان و زۆریش هەیە لەمە قورستر دەچێژێت.

خوای گەروەش ئاگادارە لەسەر ئەوەی ووتم...

" عبد الله خـالد الراشد "

 دەقی بابەتەكە بە عەرەبی (كرتە لێرە بدە)....

چەك

ئەو كاتەی بوینە بەندەی دونیاو حەزو ئارەزووەكانمان كردە ئامانج. ..ئەو كاتەی ڕێگەی شەریعەتمان بەرداو ڕومان كردە بتی دیموكراتیەت و عەلمانییەت و بە دوی ڕۆژئاوا كەوتن...نەك ئەوەندە..... جیهاد و غەزاو تێكۆشانی سەراپا پێغەمبەران(علیهم السلام) و پیاوچاكانمان بە بڤەو نەگونجاو بۆ ئەمڕۆ دانا....ئەو كاتەی ئایەتەكانی قیتالمان بە نەسخ دایە قەڵەم و یاسایەكی یاسقمان لە جێگەی دانا بۆ خۆ گونجاندن لەگەڵ واقیع و
دانیشتن لە بن زڕە داری گوژاڵكەو بەری ژەقنەموت و پشتمان كردە مێژووی پڕ لە سەروەری ئیسلام...

ئەو كات بەو دەردە چوین كە ئەمڕۆ دەیبینین.....لە جێگای سینەمایەك و دووان ماڵەكانیان لێ‌ كردین بە سینەماخانە...لە جێگەی چایخانەیەكی ژنان چەندان هۆڵی مەساج و پەیمانگای بالیەو ڕەقص و سەدان شوێنی لەشفرۆشی و هەزاران سۆزانیان بۆ ناردین....لە باتی یەك حیزبی عەلمانی دەیان حیزب و سەدان ڕێكخراو شەوو ڕۆژ ناموسی موسڵمانان دەبەن و بەد ڕەوشتی دەكەن بە كاڵای باڵای میللەتدا....ئەزانن بۆ؟......چونكە پێغەمبەری سەروەر(صلى الله عليه وسلم) فەرمویەتی:

[ إذا تبايعتم بالعينة وأخذتم أذناب البقر ورضيتم بالزرع وتركتم الجهاد سلط الله عليكم ذلا لاينزعه حتى ترجعوا إلى دينكم . ] . رواه ابو داود وصححه الألباني أنظر السلسلة الصحيحة1/42 برقم(11)

واتە: ئەگەر دەستان دایە مامەڵەی حەرامی العینە و دەستان گرت بە كلكی مانگاو كەوتنە ئاژەڵداری و ڕازی بوون بە كشتوكاڵ داری و وازتان هێنا لە جیهاد, ئەو كات خوای گەورە زەلیلییەكتان بەسەرتا دەسەپێنێت بە جۆرێك لە سەرتان لانابات هەتا دەگەڕێنەوە بۆ دینەكەتان...

هیجرەت كردن لە پێناوی خوای گەورەدا

فەزڵ و پلەو پایەی ئەو كەسەی لە پێناوی خوای گەورەدا كۆچ دەكات زۆرە...چەندان ئایەت و فەرمودەی لە بارەوە هاتووە..ئەوەی دەیبیستیت پارچەیەكە لە وتارێكی شێخ ئەبو ئیسحاق الحوەینی و بە شێوەیەكی سەرنجڕاكێش مۆنتاج كراوە..

دەرخستنی ڕاستىیەكان

ئاشكرا كردنی كۆمەڵێك لەو ناشەرعییانەیە كە تەلەفزیۆنە بە ناو ئیسلامییەكانی

لای خۆمان نیشانی موسڵمانانی دەدەن و جگە لەو ڕەشكە پارەی مانگانە لە پارەی میللەت حكومەت دەیكات بە قوڕگیاندا فەتوای ئەوەشیان بۆ خەڵكی دا كە پێویستە زەكاتی ماڵیانیان بدەنێ‌ تا لەو كەناڵانەدا سەرفی بكەن!!! جا ببینە و بزانە ئەو كەناڵانەش تا چەندێك پابەندن بە ڕەسەنایەتی شەرعییەوە.

بانگەواز كردن بە هۆكاری شەرعی نەك ڕێگای بیدعی

پرسیار كرا لە شێخی ئیسلام ئیبن تەیمیە(ڕەحمەتی خوای لێ‌ بێت) دەربارەی شێخێك بە چاكەو خێر ناسراوە ویستی تەوبە بە كۆمەڵە كەسێك بكات كە ئەم كەسانە كۆبوبونەوە بۆ ئەنجامدانی تاوانی گەورە لە كوشتن و ڕێگری و دزی و شەراب خواردنەوەو شتی تر و ئەیویست بیانگێڕێتەوە, بەڵام نەیدەتوانی بیانگەڕێنێتەوە لەو تاوانانە تەنها بەوە نەبێت هات مەجلیسێكی گۆرانی و گوێگرتنی بۆ ئەم مەبەستە بۆ ساز كردن, ئەویش تەنها بە بەكارهێنانی ئامێری دەف و بەبێ‌ زڕزڕەش,


گۆرانییەكەشی لەو گۆرانییانە بوو كە هۆنراوەكەی موباحەو مۆسیقاشی لەگەڵ نەبوو, جا كاتێ‌ ئەم كۆڕەی بۆ ساز كردن كۆمەڵێكیان گەڕانەوەو تەوبەیان كرد, بە جۆرێك تیایاندا بوو لەوانەی نوێژی نەدەكردو دزی دەكرد و خۆی نەدەپاراست لە تاوان وای لێ‌ هاتبوو خۆی لە شوبوهاتیش دەپاراست و فەرزەكانی بەجێ‌ دەگەیاند و خۆی لە حەرامكراوەكان دەپاراست, جا ئاخۆ ساز كردنی ئەو جۆرە مەجلیسی گوێگرتنە لە لایەن ئەو شێخەوەو بەو جۆرە دروستە كە دەبێتە هۆی بەدیهاتنی بەرژەوەندی و ناشتوانێ‌ بانگەوازیان بكات بەو ڕێگایە نەبێت؟

شێخی ئیسلام(ڕەحمەتی خوای لێ‌ بێت) وەڵامی ئەو پرسیارەی دایەوەو دوای هێنانی چەند ئایەت و فەرمودەیەك فەرموی:

( إنَّ الشَّيْخَ الْمَذْكُورَ قَصَدَ أَنْ يتوب الْمُجْتَمِعِينَ عَلَى الْكَبَائِرِ فَلَمْ يُمْكِنْهُ ذَلِكَ إلَّا بِمَا ذَكَرَهُ مِنْ الطَّرِيقِ الْبِدْعِيِّ يَدُلُّ أَنَّ الشَّيْخَ جَاهِلٌ بِالطُّرُقِ الشَّرْعِيَّةِ الَّتِي بِهَا تَتُوبُ الْعُصَاةُ أَوْ عَاجِزٌ عَنْهَا فَإِنَّ الرَّسُولَ - صَلَّى اللَّهُ عَلَيْهِ وَسَلَّمَ - وَالصَّحَابَةَ وَالتَّابِعِينَ كَانُوا يَدْعُونَ مَنْ هُوَ شَرٌّ مِنْ هَؤُلَاءِ مِنْ أَهْلِ الْكُفْرِ وَالْفُسُوقِ وَالْعِصْيَانِ بِالطُّرُقِ الشَّرْعِيَّةِ الَّتِي أَغْنَاهُمْ اللَّهُ بِهَا عَنْ الطُّرُقِ الْبِدْعِيَّةِ . فَلَا يَجُوزُ أَنْ يُقَالَ : إنَّهُ لَيْسَ فِي الطُّرُقِ الشَّرْعِيَّةِ الَّتِي بَعَثَ اللَّهُ بِهَا نَبِيَّهُ مَا يَتُوبُ بِهِ الْعُصَاةُ فَإِنَّهُ قَدْ عُلِمَ بِالِاضْطِرَارِ وَالنَّقْلِ الْمُتَوَاتِرِ أَنَّهُ قَدْ تَابَ مِنْ الْكُفْرِ وَالْفُسُوقِ وَالْعِصْيَانِ مَنْ لَا يُحْصِيه إلَّا اللَّهُ تَعَالَى مِنْ الْأُمَمِ بِالطُّرُقِ الشَّرْعِيَّةِ الَّتِي لَيْسَ فِيهَا مَا ذُكِرَ مِنْ الِاجْتِمَاعِ الْبِدْعِيِّ ؛.بَلْ السَّابِقُونَ الْأَوَّلُونَ مِنْ الْمُهَاجِرِينَ وَالْأَنْصَارِ وَاَلَّذِينَ اتَّبَعُوهُمْ بِإِحْسَانِ - وَهُمْ خَيْرُ أَوْلِيَاءِ اللَّهِ الْمُتَّقِينَ مِنْ هَذِهِ الْأُمَّةِ - تَابُوا إلَى اللَّهِ تَعَالَى بِالطُّرُقِ الشَّرْعِيَّةِ لَا بِهَذِهِ الطُّرُقِ الْبِدْعِيَّةِ . وَأَمْصَارُ الْمُسْلِمِينَ وَقُرَاهُمْ قَدِيمًا وَحَدِيثًا مَمْلُوءَةٌ مِمَّنْ تَابَ إلَى اللَّهِ وَاتَّقَاهُ وَفَعَلَ مَا يُحِبُّهُ اللَّهُ وَيَرْضَاهُ بِالطُّرُقِ الشَّرْعِيَّةِ لَا بِهَذِهِ الطُّرُقِ الْبِدْعِيَّةِ . فَلَا يُمْكِنُ أَنْ يُقَالُ : إنَّ الْعُصَاةَ لَا تُمْكِنُ تَوْبَتُهُمْ إلَّا بِهَذِهِ الطُّرُقِ الْبِدْعِيَّةِ بَلْ قَدْ يُقَالُ : إنَّ فِي الشُّيُوخِ مَنْ يَكُونُ جَاهِلًا بِالطُّرُقِ الشَّرْعِيَّةِ عَاجِزًا عَنْهَا لَيْسَ عِنْدَهُ عِلْمٌ بِالْكِتَابِ وَالسُّنَّةِ وَمَا يُخَاطِبُ بِهِ النَّاسَ وَيُسْمِعُهُمْ إيَّاهُ مِمَّا يَتُوبُ اللَّهُ عَلَيْهِمْ فَيَعْدِلُ هَذَا الشَّيْخُ عَنْ الطُّرُقِ الشَّرْعِيَّةِ إلَى الطُّرُقِ الْبِدْعِيَّةِ , إمَّا مَعَ حُسْنِ. إنْ كَانَ لَهُ دِينٌ وَإِمَّا أَنْ يَكُونَ غَرَضُهُ التَّرَؤُّسَ عَلَيْهِمْ وَأَخْذَ أَمْوَالِهِمْ بِالْبَاطِلِ كَمَا قَالَ تَعَالَى : { يَا أَيُّهَا الَّذِينَ آمَنُوا إنَّ كَثِيرًا مِنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَنْ سَبِيلِ اللَّهِ } فَلَا يَعْدِلُ أَحَدٌ عَنْ الطُّرُقِ الشَّرْعِيَّةِ إلَى الْبِدْعِيَّةِ إلَّا لِجَهْلِ أَوْ عَجْزٍ أَوْ غَرَضٍ فَاسِدٍ . وَإِلَّا فَمِنْ الْمَعْلُومِ أَنَّ سَمَاعَ الْقُرْآنِ هُوَ سَمَاعُ النَّبِيِّينَ وَالْعَارِفِينَ وَالْمُؤْمِنِينَ ....). مجموع الفتاوى (11/624 ـ 625).

ئەو شێخە ناوبراوە مەبەستی بوو ئەو كەسانەی كۆبوبونەوە لەسەر ئەنجامدانی تاوانی گەورە بگەڕێنێتەوەو نەشی توانیوە ئەوە بكات تەنها بەو ڕێگاو هۆكارە داهێنراوە نەبێت كە باسكرا, ئەمەش بەڵگەیە لەسەر ئەوەی ئەو شێخە جاهیل و بێ‌ ئاگا بووە بەو ڕێگا شەرعییانەی كە بە هۆیەوە یاخی و سەرپێچیكاران دەگەڕێنرێتەوە یان دەستەوستان بووە بەرامبەر بە كارهێنانی هۆكاری شەرعی, چونكە پێغەمبەری خوا(صلی الله علیە وسلم) وە هاوەڵان و تابعین بانگەوازی كەسانی لەو كۆمەڵە خراپتریان كردووە لە ئەهلی كوفرو فسوق و سەرپێچیكاران بە هۆكارو ڕێگای شەرعی, ئەو ڕێگایانەی خوای گەورە پێی بەخشیون و بێ‌ نیازی كردوون لە بەكارهێنانی ڕێگای داهێنراو, كەواتە دروست نییە بوترێت: لە ناو ئەو ڕێگا شەرعییانەدا كە خوای گەورە بە پێغەمبەرەكەیدا ناردویەتی ڕێگایەكی تیا نییە كە بە هۆیەوە كەسانی سەرپێچیكار بگەڕێنرێتەوە, چونكە بە بەڵگەی ئاشكراو موتەواتیر گەیشتووە بە ئێمە كە ژمارەیەكی بێ‌ ئەنداز لە ئوممەتان كە تەنها خوای گەورە دەزانێت چەندن تەوبەیان كردووەو گەڕاونەتەوە لە كوفرو فسوق و سەرپێچی بە ڕێگای شەرعی و لە هۆكارەكانی گەڕاندنەوەیاندا هیچ باسی ئەو جۆرە شتانەی تیا نەبووە كە ئەنجامیان دابێ‌ لە كۆبونەوەی داهێنراو, بگرە پیاوچاكانی پێشكەوتوو لە كۆچەران و پشتیوانان لە هاوەڵان و ئەوانەشی شوێنی ئەوان كەوتون بە چاكە لە تابیعین كە ئەمانە چاكترین وەلی خوای گەورەو باشترین كەسی لە خواترس و پارێزكار بوون لەم ئوممەتەدا بە ڕێگاو هۆكاری شەرعی گەڕاونەتەوە نەك بەو جۆرە هۆكارە داهێنراوانە, وە وڵات و شارو گوندی موسڵمانان لە كۆن و نوێ‌دا پڕە لەو جۆرە كەسانەی گەڕاونەتەوە بۆ لای خوای گەورەو خۆیان پاراستووە لە تاوان و ئەو كارانەیان ئەنجامداوە كە خوای گەورە پێی خۆشەو لێی ڕازییە و بەو هۆكارە شەرعییانە گەڕاونەتەوە نەك بەو جۆرە ڕێگاو هۆكارە داهێنراوە, كەواتە ناگونجێت بوترێت: كەسانی سەرپێچیكار ناتوانرێت بگەڕێنرێنەوە بەو جۆرە ڕێگا داهێنراوانە نەبێت, بەڵكو دەوترێت: لە ناو شێخەكاندا كەسانێك هەن دەگونجێت بێ‌ ئاگا بن لە هۆكارە شەرعییەكان و دەستەوستان بن بەرانبەری و زانستی قورئان و سوننەتیان پێ‌ نەبێت, وە ئەوەندەیان زانست پێ‌ نەبێت تا قسەی پێ‌ بكەن بۆ خەڵكی و تێیان بگەیەنن هەتا بگەڕێنەوە بۆ لای خوای گەورە, ئەو كات ئەو شێخە ناچار پشت لە هۆكارە شەرعییەكان دەكات و ڕوو دەكاتە بەكارهێنانی هۆكارە داهێنراوەكان. ئەمەش یان ئەوەتا بە نییەت و مەبەستی پاك كردویەتی ئەگەر خاوەنی دین  بێت, یان مەبەستی بوونە سەركردەیە بەسەریانەوەو بردنی ماڵ و سامانیانە بە بەتاڵ و ناڕەوا, وەك خوای گەورە دەفەرموێت: { يَا أَيُّهَا الَّذِينَ آمَنُوا إنَّ كَثِيرًا مِنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَنْ سَبِيلِ اللَّهِ } جا هیچ كەسێك لەو هۆكارو ڕێگا شەرعییانە لانادات بەرەو بەكارهێنانی هۆكاری داهێنراو تەنها لەبەر نەفامی یان دەستەوستانی یان مەبەستێكی خراپ نەبێت, ئەگەرنا لە بابەتە زانراوەكانە كە گوێگرتن و گەیاندنی قورئان بە گوێ‌ی خەڵكیدا كاری پێغەمبەران و خواناسان و ئیمانداران بووە ..

حەمزە بەرزنجی

وەڵامی گومانەکان لەمەسەلەی چوونە پەرلەمان

ئەم بابەتە هەڵوەشاندنەوەی هەموو ئەو بەهانەو بیانووە لاوازانەیە كە عاشقانی دیموكراسی و عەوداڵانی ئیسراحەت و تەنازول و خۆ هەڵواسەران بە كەوای شڕی حوكمی عەلمانییەتدا دەیكەنە بیانوو بۆ ڕەواج دان بە چوونە ناو پەرلەمان و (دار الندوة)ی دانراو بۆ خوایەتی كردن بەسەر خەڵكەوە (پەنا بە خوای گەورە).....
ڕەد دانەوەیەكی زانستی هەموو ئەو گومانانەیە كە بە هۆیەوە شەرعییەتیان داوەو بۆ خۆیان بە ڕەوایان داناوە مەیدانی یەكخواپەرستی چۆڵ بكرێت  بیگوازنەوە بۆ ناو هۆڵی پەرلەمان....وەرگیراوە لە كتێبی: دیموكراسی دینە...

ن/ ابو محمد المقدیسی

وەرگێڕانی / ئەنەس عبدالله

ئا/ڕێبازعبدالله

 

كلیك لە وێنەكە بدە

ئەو هۆنراوەیەی لە ئاهەنگی یەكبونی بزوتنەوەو نەهزەدا خوێنرایەوە...

ئەم هۆنراوەیە لە ئاهەنگی یەكبونی هەردوو بزوتنەوەی ئیسلامی و بزوتنەوەی ڕاپەڕینی ئیسلامی و لە باخی گشتی هەڵەبجە لە لایەن برایەكەوە خوێنرایەوە.. میوانە ئامادە بووە عەلمانییەكان تەواو كێچ كەوتە كەوڵیان و ناڕەزایییان دەربڕی...بۆیە كەسێك بە ناوی ڕابەری گشتی ئەو كات داوای لێبوردنی لە ئامادە بووان كردو ئەو هۆنراوەیەی بە ڕای شەخصی وەسف كرد:......

یەكبوون

هۆ خەڵكینە....

هۆ هەڵكینە یەكبوون ژینە,

ئادەمییەكانی خاوەن ژیر, ئەگەر ژیرن

گوێ‌ راگرن..

وا پەروەردگاری جیهان..

لەسەرووی حەوت ئاسمانەوە

پەیامی خۆی, ئەنێرێ‌ بۆ بەندەكانی

بە دەستێكی پاك و ئەمین..

بۆسەر زەمین.

بۆ هەڵبژێرراوی بەشەر

پێ‌ی دەفەرموێ: ( واعتصموا بحبل الله جمیعاً...)

نەك یەك و دوو..

تێكڕا هەموو..

 بێ‌ دوودڵیو بێ‌ سێ‌و دوو..

(.... ولا تفرقوا)......

هۆ خەڵكینە..

خۆ گوێ‌و لێیە... یەكبوون ژینە..

پەتەوازەو دووبەرەكی

بوغزو قینە...

سەرەنجامی ( ..فتفشلوا..)

لە جیهانی ئیسلامیدا چاو بگێڕە

بە چاوی یەقین ببینە....

چاو بگێڕە بیلادی شـــام

هەموو ووڵاتی عەرەب و ووڵاتی خۆم...

ووڵاتی فارس, ووڵاتی رۆم..

لە گشت كونجێكی ئەم دنیایە تاریكەدا

چاو بگێڕە, چاو بگێڕەو چاو بگێڕە!!!

هۆ قانگە لاشەی بابردوو..

ئەكوا سەنگ...

ئەرێ‌ وێڵی سەرلێ‌ شێواو

ئەكوا ڕەنگت....

هاوار بكەو بچریكێنە

ئەكوا دەنگت...

هۆ خەڵكینە...

ئەمە چ باجێكە ئەیدەن

ئەمە چ باجێكە ئەیدەن؟!

بۆ دوو تیكە گۆشتی گەنیو

دووسێ‌ ئێسقانی ڕزیوو و

بۆ چەند دڵۆپێكی خوینە...

هۆ خەڵكینە...

بوونی هەزار پەنجە بە جیا بوونی ییە

لە نێو دنیالی ژین و بوونا

بە یەكبوونی تەنها پێنجیان لەیەك باسك

هێزو تینە...

دەستی كارمەندو كارامەو

بەرهەمهێنەرەو بەخشینە...

دەستێكی زۆر رووناكبیرە

خاوەن بەرهەم و نووسینە...

بۆ سەری داماوو هەتیو:

لەپی سۆزە.

بۆ ناو دەمی زۆر سەگ وەڕان:

كۆڵە شتی پۆڵایینە....

هۆ خەڵكینە....

یەكبوونی دڵۆپی باران

دەبن بە كانیاوی سازگار,

دەبنە جۆگا, دەبنە رووبار

یانە دەریایەكی شینە...

بە یەكبوونی سینگ و تانۆك

دەبن بە كۆز بۆ كارو بەرخ,

یا چەپەرە یا پەرژینە...

هۆ خەڵكینە...

یەكبوون ژینە...

یەكبوون تینە...

یەكبوون دینە...

دڵنیابە:

دڵنیابە لە فەرموودەی پێغەمبەرت(صلى الله عليه وسلم):

مەڕی دابڕاو دوابڕاوە

خۆراكی گورگی لەعینە....

هۆ خەڵكینە....

هەستن ڕابن. یەك دڵ یەك دەست

وەك دیواری تێكهەڵكێشراو

بۆ یەك مەبەست..

تاكەی لە ووڵاتی موعتەصەم

لە نێو بیری نەفامیدا

هەریەكێكمان لە دووری یەك

لە گوێ‌ی گادا لێ‌ی خەوتینە...

خۆر لە گەلم ئاوا بووەو بووە بە مەتەڵ...!!!

دەزانن بۆ...؟؟؟؟؟

شەیدای ناون.....

عاشقی حیزب و چەند تەئویلێكی باگل و

پینەكراون....

گەر وانییە..:سەر هەڵبڕن ئازادییە :

لە كوردستانی ئازادكراو

هەموو شتێ‌ تیای ئازادە:

كوشتن....بڕین..

دزی..... جەردە....

ڕێ‌ كردن., رووتی وەك ئاژەڵ

بە نێو جادە.....

جوێندان بەخوا!!

هۆ خەڵكینە جوێندان بە خوا!! بە پێغەمبەری سەروەر(صلى الله عليه وسلم)..!!

بە صەحابی.. بە دینی پیرۆزی ئیسلام..!!

بەڵێ‌ بیروڕا ئازادە...!!!

هۆ خەڵكینە...

لەم دارستانە چڕو پڕو دێمەكارە:

وورچی تیا دادوەرە..

بەرازی تیا بەختەوەرە...

كاك ڕێوی تیا سەروەرە...

قەلە ڕەشی تیا بانگدەرە...

لەم ووڵاتە پڕ خودایە

لات و هوبەل ناویان نەما

هۆ خەڵكینە...

موسویلەمەش قبوڵ ناكەن

هەركەس بۆ خۆی پێغەمبەرە....

هۆ خەڵكینە...

ووڵاتی من ئەستێرەیەكی ئازادە

بێ‌ پەساپۆرتە هاتووچۆ :

ئەمریكای بۆش و كلینتۆن, بەریتانیا

ئیسرائیل, توركیا, فەرەنسا

گشت ووڵاتێكی گۆی زەوی دەگرێتە خۆ

هۆ خەڵكینە...

دەزانن چی لەم ئەستێرە گەورەدا

جێ‌ی نابێتەو :

ریش وسیواك !!!

دەرسی قورئان !!

نوێژی جەماعەتی مزگەوت !!

سەرپۆش... ئافرەتی داوێن پاك!!!

هۆ خەڵكینە....

ئا لەم ووڵاتە بەرینە

هەموو شتێ‌ تیای ئازادە

بەڵام ئەوەی جێگای نەبێ‌و

تیای قاچاخ بێ‌ :

(یەكتاپەرستی)یەو (دین)ە......